*ഉത്തരാഖണ്ഡിൽ ഒരു ക്ഷേത്രമുണ്ട്, അതിൻ്റെ വാതിലുകൾ വർഷത്തിൽ ഒരു ദിവസത്തേക്ക് മാത്രം തുറക്കുന്നു. വംശി നാരായൺ മന്ദിർ എന്നറിയപ്പെടുന്ന ഈ ക്ഷേത്രം ചമോലി ഗർവാളിലാണ് സ്ഥിതി ചെയ്യുന്നത്.*  ഈ ക്ഷേത്രത്തിൽ നാരദ മഹർഷി 364 ദിവസവും ഭഗവാൻ നാരായണനെ ആരാധിക്കുന്നുവെന്നും മനുഷ്യർക്ക് ഒരു ദിവസം മാത്രമേ ഇവിടെ ആരാധന നടത്താൻ അവകാശമുള്ളൂ എന്നും വിശ്വസിക്കപ്പെടുന്നു. അതിനെപ്പറ്റിയുള്ള ഐതിഹ്യം. മഹാബലിയെ പാതാളത്തിലയച്ചപ്പോൾ ബലിയുടെ ഭക്തിയിലും ദാനശീലത്തിലും പ്രസന്നനായ ഭഗവാൻ ശ്രീഹരി പാതാളത്തിൽ ബലിയുടെ ദ്വാരപാലകനായി. തൻ്റെ പതിയുടെ ഈ അവസ്ഥയിൽ  വിഷമിച്ച ലക്ഷ്മിദേവി, നാരദ മുനിയെ കണ്ട് മഹാവിഷ്ണുവിനെ തിരികെ വൈകുണ്ഡത്തിലേക്ക് കൊണ്ടുവരാനുള്ള വഴി തേടി. ദേവി ലക്ഷ്മി ശ്രാവണ മാസത്തിലെ പൗർണ്ണമി നാളിൽ പാതാള ലോകത്തിൽ പോയി ബലി രാജാവിൻ്റെ കൈത്തണ്ടയിൽ രാഖി കെട്ടണമെന്ന് മഹർഷി പറഞ്ഞു. രക്ഷാസൂത്രം കെട്ടിയ ശേഷം ബാലിയോട് പതിയെ തിരിച്ചു ചോദിക്കുക. മഹർഷിയുടെ ഉപദേശം ശ്രവിച്ച ലക്ഷ്മീദേവി പറഞ്ഞു, പാതാളത്തിലേക്കുള്ള വഴി എനിക്കറിയില്ല, നിങ്ങൾ എന്നോടൊപ്പം പാതാളത്തിലേക്ക് വരുമോ? മാതാ ലക്ഷ്മിയുടെ അഭ്യർത്ഥന അദ്ദേഹം സ്വീകരിച്ച് മഹർഷി ദേവ...